ലൗഡ് സ്പീക്കർ ഖുതുബ സംവാദത്തിൽ മുമ്പിട്ടിരുന്ന പോസ്റ്റിന്റെ തുടർച്ചയാണിത്.
------------------------------------------------------------------------------------------------
ഞാൻ മുൻപിവിടെ എഴുതി പോസ്റ്റ് ചെയ്ത ഫേസ്ബുക്ക് ഗ്രൂപ്പുകളിൽ ഷെയർ ചെയ്യപ്പെട്ട പോസ്റ്റിനു പ്രതികരണം എന്ന നിലയിൽ P. S. അബ്ബാസ് എഴുതിയ ടെക്സ്റ്റ് വാട്സ്ആപ് വഴി ഷെയർ ചെയ്ത് ലഭിച്ചിരുന്നു. അത് താഴെ വായിക്കാം.
--------------------------------
ആംപ്ലിഫൈഡ് സിഗ്നൽ ആംപ്ലിഫൈറിന്റെ സൃഷ്ടി ആണെന്നും അത് കൊണ്ട് ലൗഡ്സ്പീക്കർ സൃഷ്ടിക്കുന്ന ശബ്ദം കൃത്രിമമാണെന്നും ഞാൻ എഴുതിയതിനെതിരെ സമസ്ത സൈബർ പോരാളി എന്ന ടീം ഒരു കുറിപ്പ് ഇറക്കിയതാണ് ഈ മറുപടി എഴുതാൻ എന്നെ പ്രേരിപ്പിച്ചത്.
1. ഹെഡിങ് ലൗഡ്സ്പീക്കർ സംവാദവും സംസ്ഥാനക്കാരുടെ ശാസ്ത്രത്തിലെ തെറ്റിദ്ധാരണയും എന്നാണ്.
Ans. ഞാൻ എന്റെ ഔദ്യോഗിക പദവി വെച്ച് എഴുതിയ കുറിപ്പ് ആണ്. അതിൽ അപാകത ഉണ്ടെങ്കിൽ എന്നെ ആ സ്ഥാനത്ത് നിയമിച്ചവരെയാണ് ബാധിക്കുക
2. എന്റെ കുറിപ്പിൽ ഉയർന്ന ശബ്ദം കിട്ടുന്നതിന് രണ്ട് സാധ്യത എഴുതിയത് ഉദ്ധരിച്ചിരിക്കുന്നു.
i) വൈദ്യുതിയുടെ സഹായത്തോടെ ആദ്യ ശബ്ദം ഉയർത്തുക
ii) ആദ്യ ശബ്ദത്തിന് സമാനമായി ഉയർന്ന ശബ്ദം കൃത്രിമമായി നിർമ്മിക്കുക
ഇതിൽ രണ്ടാമത്തേതാണ് പ്രശ്നം എന്നും വൈദ്യുതി ഉപയോഗിച്ച് ശബ്ദം ഉയർത്തിയാൽ കൃത്രിമമല്ലെന്നും മനസ്സിലാകുന്നത്രേ
Ans. ലൗഡ്‌സ്‌പീക്കറിൽ ശബ്ദം മാറുന്നില്ലെന്നും വൈദ്യുതി കൊണ്ട് ഉയർത്തുക മാത്രമാണ് ചെയ്യുന്നതെന്നും സ്പീക്കർ ഖുതുബയെ അനുകൂലിക്കുന്നവർ പറയുന്നു. അത് ശരിയല്ല, ഇതാണ് ആംപ്ലിഫയറിലും ലൗഡ്‌സ്‌പീക്കറിലും നടക്കുന്നതെന്നാണ് ഞാൻ എഴുതിയത്.
ട്രയോഡ് വാൽവുകളും ട്രാൻസിസ്റ്ററുകളും ഉപയോഗിച്ച് amplify ചെയ്യുമ്പോൾ വൈദ്യുതിയുടെ സഹായത്തോടെ അല്ല എന്നാണോ കരുതുന്നത് എന്നൊരു ചോദ്യം. എത്ര ബാലിശം!? അതിനു അവർ കണ്ടെത്തുന്ന കാരണം എന്തെന്നോ? വൈദ്യുതി എന്നാൽ ചാർജുകളുടെ പ്രയാണം മാത്രമെന്ന് ഞാൻ തെറ്റിദ്ധരിച്ചു. എന്നിട്ട് electricity എന്തെന്ന് വിശദമായി പഠിപ്പിക്കുന്നു
Ans. ഈ ധാരണ മുകളിലെ devices വൈദ്യുതിയുടെ സഹായത്തോടെ അല്ല പ്രവർത്തിക്കുന്നതെന്ന് എന്ന് എങ്ങനെയാണ് മനസ്സിലാക്കി തരുന്നത് എന്നറിയില്ല. പുറമേ നിന്ന് കൊടുക്കുന്ന കറന്റ്‌ കൊണ്ട് ആംപ്ലിഫൈഡ് സിഗ്നൽ കൃത്രിമമായി അത് കൊണ്ട് ശബ്ദം സൃഷ്ടിക്കുന്നു എന്നെഴുതിയത് ഒരു ആരോപണം ആയി കാണുന്നവർക്ക് മറവി രോഗം ബാധിച്ചോ?
ആംപ്ലിഫയറും ലൗഡ്‌സ്‌പീക്കറും ഒക്കെ ഇലൿട്രോണിക്സിൽ വരുന്നതാണ്. Electronics എന്നാൽ Electrons നെ കുറിച്ചുള്ള പഠനവും electric current എന്നാൽ electrons ന്റെ പ്രവാഹവും ആണെന്നത് ഈ ശാസ്ത്രശാഖയുടെ basic ആണ്. സൂചി വേണ്ടിടത്ത് വാൾപ്രയോഗം നടത്തേണ്ട.
ആംപ്ലിഫൈഡ് സിഗ്നൽ സ്വാഭാവികം ആയി ഉണ്ടാകുന്ന ഒന്നാണെന്നാണ് ഒരു പ്രയോഗം. എങ്ങനെയാണ് ആംപ്ലിഫൈഡ് സിഗ്നൽ ഉണ്ടാകുന്നതെന്ന് വിവരിക്കുന്നില്ല താനും.
ആംപ്ലിഫൈഡ് സിഗ്നൽ കൊണ്ട് ശബ്ദം സൃഷ്ടിക്കുന്നു എന്നെഴുതിയതാണ് മറ്റൊരു പാതകം. ജനറേറ്റർ ഗതികോർജ്ജത്തെ വൈദ്യുതോർജ്ജമായും മോട്ടോർ തിരിച്ചും മാറ്റുന്നു എന്ന് പറഞ്ഞാൽ എന്താണ് അർത്ഥം. ഒരു ഊർജ്ജം ഉപയോഗിച്ച് മറ്റൊന്ന് ഉണ്ടാക്കുന്നു എന്ന് തന്നെ. ലൗഡ്സ്പീക്കർ എന്ന പദത്തിന്റെ അർത്ഥം പോലും ആലോചിക്കാതെയാണ് ഈ ആരോപണം. Speaker എന്നാൽ one who speaks, loudspeaker എന്നാൽ one who speaks loudly. ഉച്ചത്തിൽ ശബ്ദം സൃഷ്ടിക്കുന്നത് എന്ന്
ആംപ്ലിഫൈഡ് സിഗ്നൽ പ്രത്യക്ഷപ്പെടുന്നത് അതിനുള്ള എല്ലാ സംവിധാനങ്ങളും ചെയ്തിട്ടാണ്. അല്ലാതെ സ്വാഭാവികം അല്ല. ഞാൻ എഴുതിയത് ശരിയല്ലെങ്കിൽ എങ്ങനെ ആണ് ആംപ്ലിഫൈഡ് സിഗ്നൽ ഉണ്ടാവുന്നത് എന്ന് വിവരിക്കൂ.
മൈക്രോഫോണിൽ നിന്നുള്ള വൈദ്യുതി ആണ് ഔട്ട്പുട്ട് സിഗ്നലിന്റെ waveform തീരുമാനിക്കുന്നത് എന്നതിൽ ആർക്കാ തർക്കം.waveform ഉള്ളത് കൊണ്ട് ആദ്യ ശബ്ദം ആകുമോ? ആ സ്വരം ആകും. മിമിക്രിക്കാരനും ആ സ്വരം സൃഷ്ടിക്കും.അത് പക്ഷേ അയാളുടെ ശബ്ദം ആണ്.
കേൾവി കുറവുള്ളവർക്ക് ഫിഖ്ഹിൽ എന്ത് നിയമം എന്നതിൽ അഭിപ്രായം പറയാൻ ഞാൻ ആളല്ല.
ആംപ്ലിഫൈറിന്റെ ഇൻപുട്ടിൽ നിന്നും ഒരു തരി പോലും പവർ പോകുന്നില്ലെന്ന് ഞാൻ എഴുതി എന്നത് വ്യാജ ആരോപണം ആണ്. വൈദ്യുത പ്രവാഹം ഉണ്ടാവുന്നില്ല എന്നാണ് ഞാൻ എഴുതിയത്.
ഇനിയും ഞാൻ എഴുതിയത് ആവർത്തിക്കുന്നു. ആംപ്ലിഫൈഡ് സിഗ്നൽ എന്നത് ആംപ്ലിഫൈറിന്റെ സൃഷ്ടി ആണ്. അല്ല സ്വാഭാവികം ആണെന്ന് അഭിപ്രായം ഉണ്ടെങ്കിൽ പ്രവർത്തന തത്വം വെച്ച് വിശദീകരിക്കൂ.
അബ്ബാസ്.പി.എസ്
---------------------------------------------------------------------
കിട്ടിയ പ്രധാന പോയന്റുകൾ ഞാൻ ഒന്ന് സംഗ്രഹിക്കാം
2 - ജനറേറ്റർ ഗതികോർജ്ജത്തെ വൈദ്യുതോർജ്ജമായും മോട്ടോർ തിരിച്ചും മാറ്റുന്നു എന്ന് പറഞ്ഞാൽ എന്താണ് അർത്ഥം. ഒരു ഊർജ്ജം ഉപയോഗിച്ച് മറ്റൊന്ന് ഉണ്ടാക്കുന്നു എന്ന് തന്നെ
3 - പുറമേ നിന്ന് കൊടുക്കുന്ന കറന്റ്‌ കൊണ്ട് ആംപ്ലിഫൈഡ് സിഗ്നൽ കൃത്രിമമായി അത് കൊണ്ട് ശബ്ദം സൃഷ്ടിക്കുന്നു. വൈദ്യുത പ്രവാഹം (ഇൻപുട്ടിൽ നിന്ന് ഔട്ട് പുട്ടിലേക്ക്) ഉണ്ടാവുന്നില്ല എന്നാണ് ഞാൻ എഴുതിയത്.
പ്രവർത്തകന്റെ നിലപാട്
1) ലൗഡ് സ്പീക്കർ എന്ന പേരും അത് ഉച്ചത്തിൽ ശബ്ദം പുറപ്പെടുവിക്കുന്നതും ആണ് പ്രശ്നം എങ്കിൽ അത് ആംപ്ലിഫയറിന്റെ പ്രവർത്തനവും ആയി (സിഗ്നൽ ശക്തി പ്പെടുത്തുന്നതുമായി) നേരിട്ട് ബന്ധപ്പെട്ട് കിടക്കുന്നതല്ല. പിന്നെ എന്തിനാണ് സംവാദത്തിൽ ഇൻപുട്ടിൽ നിന്ന് ഔട്പുട്ടിലേക്ക് വൈദ്യുതി വരാത്തതാണ് പ്രശ്നം (അത് എത്രത്തോളം ശരിയാണ് എന്ന് നമുക്ക് വഴിയേ പരിശോധിക്കാം ) എന്ന രീതിയിൽ അവതരിപ്പിച്ചത്. വൈദ്യുതി ശബ്ദം ആക്കുക എന്ന പണി മാത്രമല്ലെ ലൗഡ് സ്പീക്കറിനുള്ളൂ. അതെ പ്രവർത്തനം തന്നെ തിരിച്ചു ശബ്ദം വൈദ്യുതി ആക്കി മാറ്റലല്ലേ മൈക്രോഫോണിൽ നടക്കുന്നത്. മൈക്രോഫോണിൽ നടക്കുന്നത് ഹലാലും സ്പീക്കറിൽ നടക്കുന്നത് ഹലാലല്ലാതെയും ആകുമോ ?
2) "ജനറേറ്റർ ഗതികോർജ്ജത്തെ വൈദ്യുതോർജ്ജമായും മോട്ടോർ തിരിച്ചും മാറ്റുന്നു എന്ന് പറഞ്ഞാൽ എന്താണ് അർത്ഥം. ഒരു ഊർജ്ജം ഉപയോഗിച്ച് മറ്റൊന്ന് ഉണ്ടാക്കുന്നു എന്ന് തന്നെ"
ഇത് എന്തോ വലിയ അപരാധമായാണ് അദ്ദേഹം കാണുന്നത്. സംസ്ഥാനക്കാർക്ക് മൊത്ത ഈ നിലപാടാണോ എന്നറിയില്ല. സംവാദത്തിലും അത് അധികം ഉയർന്നു കേട്ടില്ല.
അങ്ങനെ മനസ്സിലാക്കിയാൽ മനുഷ്യർ കേൾക്കുന്നതെല്ലാം കൃത്രിമ ശബ്ദമല്ലേ ? മനുഷ്യനിൽ ശബ്ദോർജ്ജം ആദ്യം ഗതികോർജ്ജമായും പിന്നീട് വൈദ്യുതോർജ്ജമായും മാറിയാണ് തലച്ചോറിൽ എത്തുന്നത്. മനുഷ്യർ കേൾക്കുന്ന ശബ്ദം ചെവിയിലെ കര്ണപുടത്തിൽ വെച്ച് തന്നെ ആദ്യമായി രൂപം മാറി അപ്പോഴേ കൃത്രിമമായില്ലേ? കർണ്ണപുടത്തിന്റെ കമ്പനമായി മാറുന്നു. പിന്നീട് അത് മദ്ധ്യകർണ്ണത്തിലെ അസ്ഥികളെ ചലിപ്പിക്കുന്നു. പിന്നീടത് അണ്ഡാകാരജാലകത്തിലും പെരിലിംഫിലും പ്രകമ്പനങ്ങൾ ഉണ്ടാക്കുന്നു. ഈ പ്രകമ്പനങ്ങൾ കോക്ലിയയുടെ ഉള്ളിലുള്ള സം‌വേദകോശങ്ങളെ ഉദ്ദീപിപ്പിക്കുകയും കേട്ട ശബ്ദത്തെ സൂചിപ്പിക്കുന്ന വൈദ്യുത തരംഗങ്ങളായി സിഗ്നലുകൾ തല്കച്ചോറിലേക്ക് കൈമാറുന്നു. ഇത്തരത്തിൽ പല തവണ ഊർജ്ജ രൂപവും കോലവും മാറിയാണ് മനുഷ്യനിൽ പടച്ചവൻ കേൾവി സംവിധാനിച്ചിട്ടുള്ളത്.
3- "പുറമേ നിന്ന് കൊടുക്കുന്ന കറന്റ്‌ കൊണ്ട് ആംപ്ലിഫൈഡ് സിഗ്നൽ കൃത്രിമമായി അത് കൊണ്ട് ശബ്ദം സൃഷ്ടിക്കുന്നു. വൈദ്യുത പ്രവാഹം (ഇൻപുട്ടിൽ നിന്ന് ഔട്ട് പുട്ടിലേക്ക്) ഉണ്ടാവുന്നില്ല എന്നാണ് ഞാൻ എഴുതിയത്."
" ആംപ്ലിഫൈറിന്റെ ഇൻപുട്ടിൽ നിന്നും ഒരു തരി പോലും പവർ പോകുന്നില്ലെന്ന് ഞാൻ എഴുതി എന്നത് വ്യാജ ആരോപണം ആണ്"
ഇൻപുട്ടിൽ നിന്ന് പവർ പോകുന്നു എന്ന് പറഞ്ഞാൽ ഊർജ്ജ കയ്മാറ്റം നടക്കുന്നു എന്ന് തന്നെ അല്ലെ. അത് വൈദ്യുതിയുടെ രൂപത്തിലായാലെ ശരിയാവൂ എന്നത് എവിടുന്ന് കിട്ടി. ഇനി ഇവിടെ വൈദ്യുതി ഇൻപുട്ടിൽ നിന്ന് ഔട്ട്പുട്ടിലേക്ക് തീരെ പോകുന്നില്ലേ എന്നും നോക്കാം.
" ആംപ്ലിഫൈറിന്റെ ഇൻപുട്ടിൽ നിന്നും ഒരു തരി പോലും പവർ പോകുന്നില്ലെന്ന് ഞാൻ എഴുതി എന്നത് വ്യാജ ആരോപണം ആണ്"
ഇൻപുട്ടിൽ നിന്ന് പവർ പോകുന്നു എന്ന് പറഞ്ഞാൽ ഊർജ്ജ കയ്മാറ്റം നടക്കുന്നു എന്ന് തന്നെ അല്ലെ. അത് വൈദ്യുതിയുടെ രൂപത്തിലായാലെ ശരിയാവൂ എന്നത് എവിടുന്ന് കിട്ടി. ഇനി ഇവിടെ വൈദ്യുതി ഇൻപുട്ടിൽ നിന്ന് ഔട്ട്പുട്ടിലേക്ക് തീരെ പോകുന്നില്ലേ എന്നും നോക്കാം.
എന്റെ അന്വേഷണത്തിൽ അത് ഈ സ്വകാര്യ വെബ്സൈറ്റ് ലിങ്കിലെ വിവരങ്ങളാണ് https://www.electronics-notes.com/articles/electronic_components/valves-tubes/triode-valve-vacuum-tube.php
ഈ വെബ്സൈറ്റ് ലിങ്കിന്റെ സ്ക്രീൻ ഷോട്ട് ആണ് സംവാദത്തിൽ ഇട്ടത് ആ ലിങ്ക് മൊത്തം വായിച്ചാലും ഗ്രിഡിൽ നിന്ന് ഔട്പുട്ടിലേക്ക് കറണ്ട് / വൈദ്യുത പ്രവാഹം ഇല്ല എന്ന് കാണില്ല.
-----------------------------------------------------------------------
എന്നാൽ ട്രയോഡ് വാൽവിന്റെ പ്രവർത്തനവും കൂടുതൽ വായനയും മനസ്സിലാക്കിത്തരുന്നത് ഗ്രിഡിൽ നിന്ന് വൈദ്യുത പ്രവാഹവും ഊർജ്ജകൈമാറ്റവും വളരെ കുറഞ്ഞ അളവിൽ / നെഗലിജിബിൾ അളവിൽ ഉണ്ടാവുന്നു എന്നാണ്. വളരെ കുറഞ്ഞ അളവിലായതു കൊണ്ട് പൊതുവെ അതിനെ പരിഗണിക്കാറില്ല.
-------------------------------------------------------------------------
A triode is an electronic amplifying vacuum tube (or valve in British English) consisting of three electrodes inside an evacuated glass envelope: a heated filament or cathode, a grid, and a plate (anode). In the triode, electrons are released into the tube from the metal cathode by heating it, a process called thermionic emission. The cathode is heated red hot by a separate current flowing through a thin metal filament. In a few triodes, the filament itself is the cathode, while in most the filament heats a separate cathode electrode. Virtually all the air is removed from the tube, so the electrons can move freely. The negative electrons are attracted to the positively charged anode, and flow through the spaces between the grid wires to it, creating a current through the tube from cathode to anode. https://en.wikipedia.org/wiki/Triode
ട്രയോഡ് വാൽവിൽ മൂന്ന് ഇലക്ട്രോഡുകൾ ഉണ്ട്.
രണ്ട് നെഗറ്റീവും ഒരു പോസിറ്റീവും.
കാത്തോഡും ഗ്രിഡും നെഗറ്റീവ് ആണ് ആനോഡ് പോസിറ്റീവും.
ഗ്രിഡ് എലെക്ട്രോണിന്റെ ഒഴുക്കിനെ നിയന്ത്രിക്കുന്നു.
കാതോഡിലാണ് പുറത്തുനിന്നുള്ള വൈദ്യുതി കൊടുക്കുന്നത്.
ഗ്രിഡിൽ മൈക്കിൽ നിന്നുള്ള വൈദ്യുതി കൊടുക്കുന്നു.
കാതോഡിനെ വളരെ ഉയർന്ന അളവിൽ ചൂടാക്കുന്നു.
ചൂടാക്കിയ കാതോഡിൽ നിന്ന് ഗണ്യമായ അളവിൽ എലെക്ട്രോൺസ് പുറപ്പെടുന്നു. അത് ആനോഡിലേക്ക് / പോസിറ്റീവ് എലെക്ട്രോഡിലേക്ക് സഞ്ചരിക്കുന്നു.
ഗ്രിഡ് കാതോഡിനെ പോലെ നെഗറ്റീവ് അല്ലെ അവിടെയും വൈദ്യുതി കൊടുക്കുന്നുണ്ടല്ലോ പിന്നെ എന്ത് കൊണ്ട് ആനോഡിലേക്കു കാതോഡിൽ നിന്നെന്ന പോലെ എലെക്ട്രോണ് പ്രവാഹം ഉണ്ടാകുന്നില്ല.
കാരണം ഗ്രിഡിനെ ചൂടാക്കുന്നില്ല അത് കൊണ്ട് എന്നാണ്. തീരെ ഇല്ല എന്നല്ല. തെർമിയോണിക് എമിഷൻ വഴി എലെക്ട്രോൺസ് ഗ്രിഡിൽ നിന്നും സ്വാതന്ത്രമാകുകയും ട്യൂബിനകത്തെ എലെക്ട്രോണ് ക്‌ളൗഡിന്റെ ഭാഗമാവുകയും വൈദ്യുത പ്രവാഹത്തിൽ പങ്കെടുക്കുകയും ചെയ്യുന്നുണ്ട്. ഗ്രിഡിനെ ചൂടാക്കാത്തതു കൊണ്ട് തെർമിയോണിക് എമിഷൻ വളരെ കുറഞ്ഞ അളവിലെ ഉണ്ടാകൂ അത് കൊണ്ടുണ്ടാകുന്ന കറണ്ടും നെഗലിജിബിൾ ആകും.
------------------------------------------------------------------------------
In the triode, electrons are released into the tube from the metal cathode by heating it, a process called thermionic emission. https://en.wikipedia.org/wiki/Triode
Thermionic emission is the liberation of electrons from an electrode by virtue of its temperature (releasing of energy supplied by heat). This occurs because the thermal energy given to the carrier overcomes the work function of the material https://en.wikipedia.org/wiki/Thermionic_emission
Vacuum emission from metals tends to become significant only for temperatures over 1,000 K (730 °C; 1,340 °F).
------------------------------------------------------------------------------------------------
Elements of Electronics for Physical Scientists By R. L. Havill, Alan Keith Walton
എന്ന പുസ്തകത്തിൽ ഇത്തരത്തിൽ ഇൻപുട്ടിൽ നിന്ന് അഥവാ ഗ്രിഡിൽ നിന്ന് കറണ്ട് / വൈദ്യുത പ്രവാഹം ഉണ്ടാകുന്നു എന്നും ഇൻപുട്ട് പവർ ( യൂണിറ്റ് സമയത്തെ ഊർജ്ജ കൈമാറ്റം) ഉണ്ടാകുന്നു എന്നും അത് നെഗ്ലിജിബിൾ ആണ് എന്നും പറയുന്ന ഭാഗമാണ്.
ഓംസ് ലോ പ്രകാരം വൈദ്യുത പ്രവാഹം / കറണ്ട് രണ്ടു വോൾടേജുകൾക്കിടയിൽ (പോസിറ്റീവ് നെഗറ്റീവ് എലെക്ട്രോഡുകൾക്കിടയിൽ )മാത്രമേ ഉണ്ടാകൂ.
Ohm's law states that the current through a conductor between two points is directly proportional to the potential difference across the two points https://en.wikipedia.org/wiki/Electric_current
In physics, power is the rate of doing work or of transferring heat, i.e. the amount of energy transferred or converted per unit time. https://en.wikipedia.org/wiki/Power_(physics)
--------------------------------------------------------------------------------------------------------
ചുരുക്കി പറഞ്ഞാൽ മൈക്രോഫോണിൽ നിന്നും വൈദ്യുത പ്രവാഹം ഔട്ട് പുട്ടിലേക്ക് തീരെ ഉണ്ടാകുന്നില്ല എന്ന് പറഞ്ഞാൽ അത് കളവാകും. വളരെ കുറഞ്ഞ അളവിലുണ്ട് അതുള്ളതു കൊണ്ടാണ് ആംപ്ലിഫിക്കേഷൻ നടക്കുന്നത്. ഗണ്യമായ അളവിലില്ല അതുകൊണ്ട് അത് പരിഗണിക്കാറില്ല എന്നതാണ് ശരി.
-------------------------------------
സംവാദത്തിൽ കൊണ്ട് വന്ന പോലെ വൈദ്യുത പ്രവാഹം ഇൻപുട്ടിൽ നിന്ന് ഔട്ട് പുട്ടിലേക്ക് ഉണ്ടാകുന്നില്ല എന്ന ആരോപണമാണ് പ്രധാന പ്രശ്നം എങ്കിൽ അത് വളരെ എളുപ്പത്തിൽ പരിഹരിക്കാവുന്നതല്ലേ ഉളളൂ.
ആംപ്ലിഫിക്കേഷൻ കഴിഞ്ഞുണ്ടാകുന്ന സിഗ്നലും വൈദ്യുതി മാത്രമാണ്. അതിനെ വൈദ്യുതി മാത്രമായി പരിഗണിക്കുക. അതിലേക്കു മൈക്രോഫോണിൽ നിന്നുള്ള സിഗ്നൽ നേരിട്ട് കൊടുക്കുക. വളരെ എളുപ്പത്തിൽ നടക്കേണ്ടതാണ്. അപ്പൊ അങ്ങനെ നടക്കട്ടെ. ല്ലേ..
